හැට අටක් වුණත් මට
පුතේ ඇත හයිය තව
නගින්නට කැමති නැත
උඹ නගින රෝද උඩ
නො ආවත් එකෙක් අද
මන් ආව අඩි පාර
මට කලින් ගොහින් උඹ
වැදගනින් දළදාව
එන බවත් මගින් මම
කියහන් එහෙ දරුවන්ට
උන් ඉන්නෙ මගබලන්
දැකගන්න ඉතින් මාව
දග උඹේ කකුල් අද
නැටුවාට බෙර පදය
නැතිදාට මන් නුවර
උඹෙ කරෙයි දළදාව
රැකගනින් පුතේ ඒ
උතුම් වූ දළදාව
මතුභවේ සැනසෙන්න
මගයි එය නිවන් යන......෴
✍️ උපුටා ගැනීමකි ස්තුතිය මුල් හිමිකරුට
0 Comments:
Post a Comment